ارجهن ياقلب وش عاد خلانـك مشـو
سافرولاعاد ترجي مـن المقفـي رجـوع
ركبو الصالون عجلين والدنيـا صحـو
اتركونـا دون توديـع والمكسـب دمـوع
الموادع بس نظرات من عيـن الحلـو
يوم شعره غازل الشمس واختار السطـوع
شدواللي لونه امتاااع من لـون المـرو
ابيضٍ من نـوع جكسـار جبـارٍ بتـوع
يملكك باحساس الا زعاج وازعاجه هدو
يسرقك من عتمة الليل لانـوار الشمـوع
قمت اراعيهم وانا اقول ياقلبـي غـدو
كسرو عوج المهاديف بالسيـف القطـوع
طفلةٍ في مشيته طيش واخلاق وزهـو
سهم عينه هد قلبـي وانـا لابـس دروع
ليتهم من قبل يمشـون للعاشـق حكـو
كلمـةٍ يرضابهـا قلـب دام انـي قنـوع
ليه ياللي فيك الازهـار غنولـك شـدو
اسمع اسمك بالحدايـق يردونـه جمـوع
شوق قلبي شوق شيبـان لايـام البـدو
وشوق قلبي شوق قسيس في شوف اليسوع
ليتهم قبل المشاويـر فـي حائـل لهـو
وجنبوني فقد محبـوب واحسـاسٍ يـروع
ليتهم للبعـد والهجـر ماكانـو سعـو
مااحترق قلبي من البعـد ماماتـت زروع
والله انك يادوى القلب بافعالـك عـدو
ليش ماقدرت الاخطار من قبـل الوقـوع
ليت مثل اللي عطينـاه ياقلبـي عطـو
حطمونـي حسبـي الله والفرقـا تـلـوع
بس ياقلبي مـن اليـوم خلانـك غـدو
لاتدور شي مفقووووود وتحلم بالرجـوع