كلي من المفخخ كول شتريد؟
كتله الصبح لو مرعالمدينه
كون ارواح اهلنه تصير ومضات
وقصايد تنذبح مابين ادينه
خاطر من نحن لارواحهم يوم
بس نصيح اعد ترجع علينه
****
شككت الحلم ياجف السنين
ولبّست العيون هدوم الاوهام
يبجن والدمع ماظل طعم بيه
اذا حته الخدود انزرعت الغام
مامحسوب زلمه ولاالي عنوان
اذا وكت الحجي خانتني شفافي
من بالي شلته كلمه انساك وبعت شوكي وحناني واشتريتك
بس مره نسيتك اعترف هاي جنت انت على بالي من نسيتك
---------------------------------------------------------
شلون العيد ارسمك وانت مو عيد وانت العيد ماخذ كل صفاتك
دقيقه العسل يمك جان بشفاك العسل بيه صار سكر من حلاتــك
----------------------------------------------------------
احنه العيد عدنه بعكس الاعياد العيد ايصير عدنه من تجينــــــه
واذا ضحكت عيونك كارثه اتصير بعد رمضان انسه ايمر علينه
انتة بعز غرورك تكصد الغيم
جن واحد يمدلك ضبة احبال
واني بكل بساطة شكلي مجنون
اعاين عل رصيف اتخيلة اجبال
* * *
ماغمضن جفوني ولااشوف احلام
اخاف احلم وشوف احلامي متعطبة
وخايف لاافز بعيني امريكان
وعلى جرجف مخدتي تنوضع صبة
* * *
دورت كل المعالم وشلكيت
الكيت عنك شي جديد وبشتراط
انتة مثل الكون مجهول احتواك
واللة من سواك موشي بعتباط
احبك واني وياك محتار
شفت عيونك اني وصابني جنون
ولك كلبي كلب مو كومة حجار
وحقي من اكلك بيك اني مفتون
********************
اني وياك اوصف حبك شلون
وتشضى الكلب بعيون الترمش
جذب لو كلت احبك كلش هواي
اني احبك حتى اكثر من الكلش
********************
اية من الحسن ربي سواك
ومن كدر يوصف بالحسن اية
اخذ بشر من كد الحلات البي
دنت نفسة على نفسة وباس المراية
خليتك حلم وعيوني ترسم بيك
وغير عيوني محد يكًدر يرسمك
وندهوني شكثر بسمي وجنت ناسيه
وكًلتلهم نعم من صاحوا باسمك
******************
من كًد ما ترف ينشاف بيك المي
وتخجل من ضواك وتنطفي الشمعه
اظن عشرين واكثر حملت امك بيك
لان دقة جمالك مو شغل تسعه
لحيت اعله ابويه وكَتله بيع البيت
يمهم بيت بويه وخاف يتأجر
فرح والله ابويه وكَام ينطي اللوان
طلع حتى ابويه عليج هم يفتر
*******************
احبك حب ولامر اعله انسان
وتدري اشكد احبك راح افهمك
احلمت بالجنة انه وانت بالنار
اكفر كمت حتى انتقل يمك
كاعد يمي اشوفك ايد فوگ الايد
ومفتون بحلاتك والگلب يسعر
تگرب يمي خدك وانه اگلك روح
خافن بس ابوسك يصعدالسكر
*******************
شكثر مرت حقب وسنين وعصور
وأدم للعشك ما سوه دستور
ولو بيدي اسوي اليوم قانون
اكرم بالعشك ... سكان الكبور
******************************
اكرهنه اليضــــــــل يدلل ويــاي
بس انته ولك يعــــــــــــجب دلالك
انشلع كلبي بجمالك شحجي وياك
اذا مشلوع كلبك مــــــــن جمالك